عرس اخوي

[اللؤلؤ المكنون]

السلام عليكم

بصراحة انا عييت ما نقلب على تصاور لقيت راسي مسحتهم ما باقا عندي غير 3 تصاور و يمكن الى قدرتي نزيدكم صور بالتفاصيل انشا الله نقوم بذلك

بغيت نعطيكم كلشي المعلومات من الالف للياء لاني انا مسكينة شحال جريت وجاريتي بحالا عرسي

العرس كان في صيف 2008

بالدار البيضاء في عين السبع القاعة كيسميوها قاعة بوجمعة او قاعة شاطئ السعادة هي فيها دورين اللي لفوق صغيرة و الي تحت كبيرة و على البحر على فيها نقش بلدي و زليج وواسعة مكان العروسة و مكان القروب و شراجم كبار على البحر ما كتحسيش بالصهد و لا تعرقي فيها باركينج كبير و الحراسة اليلية بالسيكيوريتي و الكلاب

الثمن في اخر شهر سبعة 18000 درهم للكراء هدشي غير راه صاحب الوالد طوالطات نطاف و بيت العروسة نظيف مع مراة كبيرة و بلاكار كبير

نجيو لنقافة هذي اش غاذي نقول تباركة الله عليها اللبس ديال العروسة كله جديد في جديد و على الموضة الكوشة ووووااااوووو الانوار الي كتزوق بيهم الكوشة غزالي الطابلات الي كتهز فيهم العروسة من الخشب الرائع والجديد و اللبس ديال الي كيهزو العروسة نقي ابيض في الرزة صفرة انا ما كنحملش الي كيلبسو هدوك الالوان كيتبارقو

و هي ماشا الله عندها محلها كبير وزيد الما زيد الدقيق عندها كلشي هي الي دارت لينا كلشي الزرابي عندها جداد و على الموضة وتجيبهم نقايا سيرفيس ديال الطابلة كل سيرفيس على حسب فراش الطابلة حنا درنا الطاوبل بايضين و السيرفيس ابيض في الذهبي و الكراسي الحمرين ديال المبرة من عندها نيت جداد غزالي و حتى مشمو الطايلة من داكشي

ادي ندخلو من القاعة دايرة البركة ديال اتاي معتبرة مع الكتاب ديال التوقيعات والبنت لابسة لبسة شلحاوية الي كتيتقبل

يتبع

---

uvs ho,d

[hanan-usa]

hadchi zen akhti kmli

[اللؤلؤ المكنون]

دخلات العروسة على انغام عيساوية النكافة نيت الي نصحتنا بهذ الفرقة تبقا معاك فيما يرتاح الاركسترا يخدمو هما ماشا الله منهم دقة مراكشية منهم عيساوة لكن ماشي داكشي ديال ربعة دراري كلاا فين تالف هدو بعقلهم و شي 12 واحد و تشوف الدخلة العيساوية كيفاش داروها ماشا الله عليهم ايوا دخلات العروسة طفاو الضو ونقافة شعلات غير الضو ديالها داكشي فن غزال مني شعلو الضو العروسة كانو هازينها فوق العمارية عاد بدا الجوق و جبنا رشيد المريني واخا نبقا نشكر فيه حتى نعيا ماغاديش نوفي ليه داكشي الي دار راه ناشط و شعبي و محيح و الناس ما بركاتش بالحق و الله 30000 درهم باش جا يستاهل و الله يستاهل تبارك الله عليه اغانيه غززالين و شتيف و الحيحة
ايوا درنا العصاير و الباتيسري و اتاي و الحلوة التقلدية و العشا كان بسطيلة الحوت و الخروف مشوي مع الشلاظ حتى هدشي من عند النقافة نفسها تشوفيها تحقريها ماشي بحال دوك النقافات الطبوزيات هدي غير درويشة صغيرة و قصيرة و تقولي قاع ما تقدر تسيير بحال هذا الخدمة و السربايا عندها تبارك اللهعليهم
دارت العشا دايزه الكلام و الديسير في الفواكه و كيفاش زوقات الفواكه من داكشي

النكافة هي من سلا اسمها رمسيس

و درنا الكلاص جبنها من عند واحد المحل ديال واحد السيدة تبارك الله عليها كتصايبو غزال وصايبنا عندها حتى البياس مونتي غززالة عندها الاستاند ديالها غززالين و هي نفسها الي دارت لينا خنيشات الفنيد الي كيتخادو سوفينير فيهم قريعات الريحة صغار خداوهم ضياف غززالين

[hanan-usa]

we bchehal akhti te9amt 3likom ngafa

[اللؤلؤ المكنون]

و المريني تبارك الله عليه دار لينا موسيقات قناوى حتى هي نشطات العرس تبارك الله عليه كينشط العرس ما خلى ما غنا الشعبي عندوو غززال و كلشي غناه غززال تزيين الطابلات كان فيه الورد و الشموع و المملحات غززالين كلشي من رمسيس تبارك الله عليها هذ رمسييس راها فنا عارفين انا كريت عندها تكشيطا ديال الصاري جديدة ب 1000 درهم هي باش حضرت حيث ختكم مهاوشة كتبقا تبدل في العراس مني نعرق نبدل كلشي ما نحملش نبقا لابسة لبسة وحدةهههههههههه وخا ما بقاتش لاموض انا عندي مازال لاموض هههههههههههه

المهم صبح الصبااح دارت لينا رمسيس واجد الفطور غزال الحريرة الشباكيةة المسمن البتيبان و البيض و كلشي تقريبا

و ديني العروسة و العريس فالليموزين لعين ذياب ضرنا شوية و المشكل العرس كان الالحد و الاثنين الناس خدامة و الزحام في الطريق ههه دورناهم من بعد حطيناهم في فندق جولند توليب والغد مع 6 جبناهم ثاني في سيارة مزوقة لدار و درنا ديجي ثاني و فرحنا باهل العروسة في دارنا و طياب الدار الدجاج و اللحم و ديسير و الحلوة و اتاي
و مشاو ثاني للهوتيل كانت هدية عمي لاخوي ليلة في حياة رجنسي و هدشي مكان

[اللؤلؤ المكنون]

نكافة يا اختي زيد الما زيد الدقيق ماما الي عندها الحساب الدقيق لانها غير تانكافت وحدها على حساب البايس الي ختاريتي

[IjLaLe]

عرس كبير واعر زيدي شوقتينا العرس خوك

[اللؤلؤ المكنون]

العروسة دخلات باللون الاحمر في العمرية بيضة

[**هيام حنين**]

الله يجعل كلشي مبارك وامسعود ولعقبال عندك ان شاء الله يا رب ...
عرفتي نتي كتوصفي وتتشكري النكافة ونا نقول فبالي متكون هادي غي مونية رمسيس ينت حومتي ومدينتي فهي معروفة خدمتها عربيا ماشي غي مغربيا وبانت فالجزيرة وفناة المغرب تاهي ما شاء الله كلشي عندها غزاااااااااال حتى المحتجبات كون تشوفي ككتخدم ليهم داكشي رووعة وحنا فالعائلة ديما هي اللي كتخدم لينا وعاد دوزت واحد العرس دولد عمي فشهر 7 دارت داكشي بلا منقول ليك اكثر من رووووعة عندي صور العرس ولبني خسارة منقدرش نزلهوم فالانترنيت ...
الحصول مونية رمسيس المعقول ودائما الجديد وعلى فكرة حنا تعاملنا معاها ملي يلاه بدات وكانت رووووعة حتى فالبدابة ديالها ومازال كتعطي ما اروع الان وهذه شهادة حق فيها ...
على فكرة اللي بغى بتعامل معاها من الاحسن يلتاقي بها شخصيا ماشي بهادوك اللي خدامين عندها ...
ونحن في انتضار الصور اللي قلتي....

[نبع الحنان]

zwin had chi a douja
blha9 ana fi casa donc maranstafdch bzaf
hit nti mn rabat